Login
Register
કહેવા અને સમજવા જેવું
- તમારી તકલીફ બધા લોકો આગળ ના કહેશો કારણ કે બધાનાં ઘરે મલમ નથી હોતો પણ મીઠું દરેક ના ઘર માં અવશ્ય હોય જ છે.
- પગ ભીના કર્યા વગર સમુદ્રને પાર કરી શકાય, પરંતુ આંખો ભીની કર્યા વગર જિંદગીને પાર કરવી શક્ય જ નથી.
- જીવન એ સૌથી મોટી શાળા છે કેમ કે તમને કયારેય ખબર પડતી નથી કે તમે ક્યા વર્ગમાં છો, અને હવે તમારે કઈ પરીક્ષા આપવાની છે.
- એવું વિચારીને નારાજ ના થતાં કે કામ મારું અને નામ બીજાનું કારણ કે સદીઓથી (ઘી) અને (વાટ) બળે છે, પણ લોકો એવું જ કહે છે કે (દિવો) બળે છે.
- ક્યાં અને કેટલા વળાંકો આવશે એ કોને ખબર, હજી તો રસ્તાઓ સાથે ઓળખાણ ચાલે છે.
- લખનારાઓ બધું જાણતા નથી, જાણનારાઓ બધું લખતા નથી, વાંચનારાઓ બધું સમજતા નથી, અને સમજનારાઓ બધું વાંચતા નથી, બસ એ જ તો જિંદગીનું ગણિત છે.
- ઉંમર પ્રમાણે ત્વચાની કરચલી ચલાવી લેવી, પણ વિચારોને તો ઈસ્ત્રી દરરોજ કરવી.
- હું પણ ક્યારેક તો નથી જ રહેવાનો, પણ લાવને આજે જ જાણી લઉં મતલબ જિંદગી જીવવાનો.
- એક વાત જિંદગી માંથી શીખવાની છે જો પોતાનાથી નજીક રહેવું હોય તો મૌન રહેવું, અને જો પોતાનાને નજીક લાવવા હોય તો મનમાં ન લેવું.
- રોટલો કેમ રળવો તે નહિ પણ દરેક કોળિયાને મીઠો કેવી રીતે બનાવવો તેનું નામ કેળવણી.
- પરિસ્થિતિ આપણને સાચવી લે તે આપણું નસીબ, પરિસ્થિતિને આપણે સાચવી લઈએ તે આપણી સમજણ.
- બહુ ભીનુ થવું નહીં કારણકે નીચોવનારા તૈયાર બેઠા છે.
- જીવનની સાચી મજા તો ભોળા લોકો જ લે છે, બાકી લુચ્ચાઓને તો બોલવા માટે પણ પ્લાન કરવો પડે છે.
- સમડીની ઉડવાની ઝડપ જોઇને ચકલી ક્યારેય ડિપ્રેશનમાં આવતી નથી.
- અરીસો છે આ જિંદગી દોસ્ત, તુ હસ જિંદગી પણ હસવા લાગશે, હજારો સપના તૂટી જાય ને ત્યારે તેને જીવંત કરવા માટે બે જ વ્યક્તિ છે એ છે મા અને બાપ
- આપણે બાળપણમાં પરચુરણ લઈને ચોકલેટ ખાવા જતા હતા અને હવે પરચુરણ ના લીધે ચોકલેટ ખાવી પડે છે.
- પીઠ હંમેશા મજબૂત રાખવી, કેમ કે શાબાશી અને દગો પીઠ પાછળ જ મળે.
- માણસ એક જ કારણથી એકલો થાય છે, પોતાનાને છોડવા માટે પારકાની સલાહ લે છે ત્યારે.
- મને એવી કયાં ખબર હતી કે "સુખ અને ઉંમર" ને બનતું નથી, પ્રયત્ન કરીને સુખને તો લાવ્યો, પણ ઉંમર રીસાઇને ચાલી ગઇ.
- માણસ વેચાય છે,પણ કેટલો સસ્તો કે મોંઘો ? તેની કિંમત "મજબૂરી" નક્કી કરે છે.
- અદભુત છે ને "દિવસ" બદલાય છે. ને એ પણ "અડધી રાતે".
- જીંદગી છે અઘરી, પણ છેવટે ટેવાઈ જવાય છે, રવિવાર અને શનિવારની વચ્ચે જીવાઈ જાય છે.
- એમ સંબંધ ના બંધાય શ્વાસ વગર,ગોપીઓ પણ નહિ આવે રાસ વગર, જગતમાં બધાને રામ બનવું છે પણ... વનવાસ વગર.
- એક જગ્યાએ સરસ વાક્ય લખ્યું હતું, જો દુનિયામાં છોડવા જેવું કંઈ હોય તો, તે છે પોતાને ઊંચા દેખાડવાનું છોડી દો.
- આંખો બંધ થાય તે પહેલા "ઉઘડી" જાય તો આખો જન્મારો સુધરી જાય.
- બાવળ ને પણ એ ક્ષણ ગમી હશે, જ્યારે કોઇ વેલ તેની તરફ નમી હશે.
- છાંયડાની ખોજમાં આ જિંદગી કાઢી નાખી,રોજ નમતી ડાળને કારણ વિના વાઢી નાખી.
- રૂપથી અંજાયો નથી હું , સ્નેહ થી ભીંજાયો છું. તું ક્હે પીછો છોડ, કેમ કહું હું પડછાયો છું.
- કડવી ગોળીને ગળવાની હોય ચગળવાની ન હોય, વેદનાને તો વિસરવાની હોય વાગોળવાની ન હોય.
- પાસબુક અને શ્વાસબુક બંને ખાલી થાય ત્યારે ભરવી પડે છે, પાસબુકને બેલેન્સથી અને શ્વાસબુકને સત્કર્મોથી.
Click Here to Login into your account for comments.